«Чолбон» уус-уран литература сурунаалын бу сыл тохсунньутааҕы нүөмэрэ М.К. Аммосов аатынан ХИФУ суруналыыстыкаҕа хаапыдыратын сэбиэдиссэйэ, «Саха суруйааччыта» ассоциация бэрэссэдээтэлэ Олег Амгин «…Орто дойдуга маннык!» сирдээҕи олохпут туһунан, араас кэрдиис кэмнэргэ хайдах быһыы-майгы барбытын ырытан, элбэх толкуйдарга аҕалар фантасмогория стилигэр суруллубут «сиппэтэх сэһэниттэн» саҕаланар.
Элбэх киһи сөбүлээн ааҕар ааптара — Сэмэн Маайыһап «Дьолго дьулуһар буоллахха» арамаанын маҥнайгы кинигэтин саҕаланыыта таҕыста. «Олох диэн тохтоло суох түбүктэн турар, дьоллоох киһи мэлдьи түбүгүрэ сылдьар дииллэрэ кырдьык». Арамааҥҥа билиҥҥи кэм саха тылын уонна литературатын дэриэбинэ оскуолатыгар үөрэтэр, үлэтигэр толору бэриниилээх Анастасия Сергеевна күнүн ахсын бүппэт түбүктэрин ойуулааһынтан саҕаланар.
Ирина Колодезникова-Ымыы «Махтанабын ийэ тылбар» тиһэх хоһоонноро ураты уйаннар.
Суруналыыс уонна суруйааччы Иннокентий Сыроватскай «Манчаары туһунан умнуллубут айымньылар» ыстатыйатын кытта билсиэххитин сөп. Салгыы нуучча поэттара Матвей Александров уонна Николай Борисовскай Манчаары туһунан поэмаларын Иннокентий Ильич тылбаастаабыта таҕыста.
Үлэ сылын чэрчитинэн Саха сирин быыһыыр сулууспатын бастакы кылаастаах быыһааччыта Валерий Андросов «Беннет арыытыгар айан» диэн суоллааҕы бэлиэтээһиннэрэ дьон-сэргэ болҕомтотун тардыаҕа диэн эрэнэбит.
Саха норуодунай суруйааччыта, сырдатааччы уонна уопсастыбаннай диэйэтэл Василий Васильев-Харысхал саха ытык-мааны дьонун, ытыллыбыт ыралаах ыччаттарын тустарынан этиллибэтэх кырдьыгы кэпсиир «Ааспыт кэм аартыктарын анаарыы» документальнай арамаанынан Тааттаҕа ааҕааччы кэмпириэнсийэтин кыттыылаахтара ырытыыларынан, санааларын үллэстиилэринэн нүөмэр түмүктэнэр.
Бу сылга нүөмэр аайы Саха сирин үлэҕэ дьоруойдарын галереята тахсар. Бастакы нүөмэргэ Саха сириттэн бастакы Үлэ Дьоруойа Петр Староватов туһунан билсиҥ.
Күн — сирин, «Чолбон» — саханы сырдатар.
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…