Хаартыска -- СИА.
Ардаҕы аҕалбыт циклону солбуйар антициклон Саха сиригэр сайыҥҥылыы сылаас уонна табыгастаах күнү-дьылы аҕалыа. Чугастааҕы күннэргэ күн-дьыл хайдах буолуоҕун туһунан ЯСИА Саха сиринээҕи Гидрометеосулууспа салайааччытын солбуйааччы – Гидрометкиин начаалынньыга Татьяна Маршалик кэпсээтэ.
«Кэнники күннэргэ Саха сирин бүтүннүүтүн кэриэтэ бүрүйбүт ардахтаах циклон тэйэр. Кини оннугар антициклон кэлэр. Салгын температурата арыый үрдүөҕэ уонна сүнньүнэн куйаас буолуо. Кэлэр күннэргэ +22…+27 С кыраадыс сылаас буоларын күүтэбит», — диэн Татьяна Маршалик билгэтинэн үллэһиннэ.
Киин улуустарга уонна Дьокуускайга нэдиэлэ бастакы аҥаарыгар салгын температурата +24…+26°, сорох сиринэн +28° кыраадыска диэри сылыйыа. Чэппиэргэ быстах ардах түһэрэ күүтүллэр уонна садгын температурата 5 кыраадыһынан түһүө. Ол эрээри өрөбүллэргэ биллэ сылыйыа.
«Билигин Дьааҥы уонна Томпо улуустарыгар турар куйаас сыыйа-баайа тэйиэ. Ол Халыма-Индигиир улуустарыгар көһөн, нэдиэлэ бүтүүтэ Чукотка диэки барыа. Дьааҥыга уонна өрөспүүбүлүкэ Арктика эҥээригэр салгын температурата түһүө, араас күүстээх ардахтар уонна этиҥнээх ардах түһэрэ күүтүллэллэр», — диэн Татьяна Маршалик иһитиннэрдэ.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…