Хаартыска: Суол управлениета
Өлүөхүмэҕэ «Умнас» айан суолу саҥардыы үлэтэ кыраапыктан хаалыыта суох барар.
Бу туһунан Суол управлениетын пресс-сулууспата иһитиннэрэр. Суол үлэһиттэрэ 8,2 км уһуннаах 4 балаһалаах айан суолу үрдүк хаачыстыбалаах өрөмүөннээн, сотору кэминэн түмүктэнэригэр эрэнэллэр.
Суол управлениетын хапытаалынай тутууга отделын начаалынньыгын эбээһинэһин толорооччу Сергей Дьячковскай бэлиэтээбитинэн, эбийиэги быйыл күһүн туттарыахтара.
«Балаҕан ыйын бүтүүтэ түөрт балаһалаах, тротуардаах, светофордаах, тустаах учаастактарынан сырдатыылаах айан суолун өрөмүөннээн туттарыахпыт», — диэн иһитиннэрэр биэдэмистибэ бэрэстэбиитэлэ. Кини былырыын «Саха сирэ» САУо бэдэрээччит бастакы түһүмэх үлэни урутаан толорбутун бэлиэтээтэ. Билигин суол тутааччылара аныгы технологиянан сиэмэн булкадаһыгын туһананан суол төрдүн бигэтитиигэ үлэни ыыта сылдьаллар. Кэлин икки төгүл халыҥнаах аспаал кутуллуоҕа. Сергей Дьячковскай суол үлэтин хаачыстыбата ураты болҕомто уурулларын бэлиэтээтэ. Хонтуруолу тастан «СтК Групп» (Иркутскай к.) тэрилтэ ыытар.
«Умнас» айан суолу саҥардыы учаастагын начаалынньыга Айылга Григорьев сотору кэминэн түөрт балаһалаах суолу аспааллааһын саҕаланыаҕа диэн эрэннэрдэ.
«Умас» айан суола Дьокуускайы, Өлүөхүмэни, Ленскэй куораты, онтон салгыы Пеледуй бөһүөлэги кытта холбуур Саха сирин биир улахан трассата буолар. Устата — 1200 км.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…