Хаартыска -- Елена Потоцкая.
Бу күннэргэ Дьокуускайга Бааһынай ырыынагар оҕуруот аһын сыаната биллэрдик түстэ.
«Бааһынай ырыынага» диибин эрээри, ити мин ырыынакка бэйэтигэр киирбэккэ эрэ, Комсомольскай болуоссат аттыгар турар олохтоох пиэрмэрдэр атыыларын этэбин. Манна сүрүннээн чугас улуустартан киирбит Хаҥалас, Нам улуустарын пиэрмэрдэрэ уонна Тулагы, Хатас сэлиэнньэлэриттэн кэлбит бааһынай хаһаайыстыбалар оҕуруот аһын арааһын атыылыыллар.
Эмиэ буоларын курдук, биэстэн-алтаттан киэһэ тиийдэххинэ, сыананы хото түһэрэллэр. Ол курдук, табылыннаххына, билигин киилэтэ 70 солкуобайдаах хаппыыстаны 60 солкуобайга атыылаһыаххын сөп.
Хортуоппуй сыаната 75-85 солкуобай буолбут. Сууйуллубут хортуоппуй — 100 солкуобай. Биэрэс — 80-100 солкуобай. Моркуоп — 100 солкуобай, «стандартнайа суох» суох дэнэрэ 50-70 солк. халбаҥныыр, чеснок — 60 солк.
Бу хаартыскаларынан сирдэтэн, бүгүҥҥү күҥҥэ пиэрмэрдэр оҕуруот аһын хаска атыылыылларын кытта билсиҥ. Иһирдьэ киирдэххэ сыана хас эбитэ буолла, ким билиэй? Олохтоох бородууксуйаны эрэ атыылаһар буолан, пиэрмэрдэр лааппыларыттан ырааппаппын.
Дьэ, онон, мантан инньэ сыана түһэрин кэтэһээччилэр, бу бүгүҥҥү сыананан суоттаныаххытын сөп.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…