Хаартыска: PxHere
Нерюнгри оройуонугар Чульман бөһүөлэгин баһылыга дуоһунаһыттан быстах кэмҥэ туоратылынна. Бу туһунан Өрөспүүбүлүкэ сууттарын холбоһуктаах пресс-сулууспатыгар иһитиннэрдилэр.
Санаттахха, бу сыл алтынньы 7 күнүгэр Чульман бөһүөлэгин Строителей уулусса 12-с №-дээх дьиэтин таһыгар 12 саастаах кыыс оҕоҕо дьэллик ыттар үөрэ саба түспүтэ. Ииримтийбит ыттары ааһан иһэр олохтоох уонна быһылаан тахсыбыт кэмигэр тиийбит кыыс оҕо аҕата тохтоппуттара. Кыра кыыс балыыһаҕа киирэн баран, алтынньы 9 күнүгэр ылбыт эчэйиилэриттэн олохтон туораабыта. Быһылаан кэннэ дьалаҕай буолуу ыстатыйатынан холуобунай дьыала тэрилиннэ.
«Нерюнгри куоратын суутун уурааҕынан «Чульман бөһүөлэгэ» куораттааҕы муниципальнай тэриллии баһылыгар холуобунай дьыала тэрилиннэ. Буруйданааччы быстах кэмҥэ дуоһунаһыттан туоратылынна уонна хамнас алын кээмэйинэн ыйдааҕы судаарыстыбаннай төлөбүр ананна», — диэн Өрөспүүбүлүкэ сууттарын холбоһуктаах пресс-сулууспата иһитиннэрдэ. Уураах күүһүгэр киирэ илик.
Бу иннинэ Саха сиринээҕи силиэстийэлиир кэмитиэтин управлениетын көрдөһүүтүнэн буруйдааҕы көҥүлүн быһарга быһаарыы ылынары Нерюнгри куоратын суута ылымматаҕа.
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…