Чульмаҥҥа сыл бүтүөр диэри үс дьиэ тутуллан бүтүөҕэ

Нерюнгри оройуонун Чульман бөһүөлэгэр хаарбах туруктаах дьиэттэн көһөрүү бырагырааматынан түөртүү этээстээх үс дьиэни тута сылдьаллар. Дьиэлэргэ барыта холбоон 147 кыбартыыра баар. 

Дьиэлэр бу сыл ахсынньы 1 күнүгэр тутуллан бүтүөхтээхтэр. Билигин үс эбийиэгинэн бадыбааллары оҥоро сылдьаллар. Тутуу былаһааккатыгар Ил Дархан Айсен Николаев сылдьан үлэ болдьохтон хаалан иһэрин бэлиэтээтэ.

Айсен Николаев эбийиэктэргэ үлэни тэтимирдэргэ, үс симиэнэни олохтуурга уонна эбии тиэхиньикэни үлэлэтэргэ соруйда.

«Бүгүҥҥү күҥҥэ Нерюнгри оройуонугар тутуу үлэтэ күүскэ ыытыллар. Бу тутулла турар дьиэлэри болдьоҕор үлэҕэ киллэриэххэ наада», — диэн Айсен Николаев бэлэтээтэ.