Чульмаҥҥа ыттар оҕоҕо саба түстүлэр

Бэҕэһээ, алтынньы 7 күнүгэр, Чульман бөһүөлэгэр ыттар 12 саастаах кыыска саба түстүлэр.

Улаханнык бааһырбыт кыысчааны Нерюнгритааҕы киин балыыһаҕа киллэрбиттэр. Билигин кинини Дьокуускайга ыытар боппуруос быһаарыллар. Бөһүөлэккэ улахан долгуйуу таҕыста. Олохтоохтор оҕолорун оскуолаҕа ыытыахтарын да куттаналлар.

РФ Силиэстийэлиир кэмитиэтин бэрэссэдээтэлэ Холуобунай дьыаланы тэрийэргэ сорудахтаата. Онтон Саха Өрөспүүбүлүкэтигэр Силиэстийэлиир кэмитиэт управлениетыгар бэрэбиэркэ үлэтэ тэрилиннэ. РФ Силиэстийэлиир кэмитиэтин бэрэссэдээтэлэ СӨ силиэстийэлиир управлениетын бэрэссэдээтэлэ В. В. Кондратенкоҕа холуобунай дьыаланы тэрийэригэр уонна силиэстийэлээһин туһунан дакылааттыырыгар сорудахтаата.