Хаартысканы Марта Николаева тиксэрдэ
Тохсунньу 11 күнүгэр Арчы дьиэтигэр «Оһуокай» түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста. Чурапчыттан Олоҥхо дьиэтин салайааччыта Д.Д.Попов салайааччылаах «Оһуокай» түмсүү киирэн кытынна.
Өссө манна эбэн эттэххэ, Чурапчы улууһун баһылыгын солбуйааччы Мария Филипповна Кронникова биир дойдулаахтарыгар улуус социальнай-экономическай сайдыытын кэпсээтэ. Өссө биир үөрүүлээҕэ, Мария Филипповна улууһугар «Оһуокай» түмсүү салайааччытынан талыллан оһуокай сайдыытыгар утумнаахтык үлэлэһэ сылдьар. Чурапчы улууһуттан СӨ Ил Дархан Оһуокайга стипендиаттара, биһиги өрөспүүбүлүкэтээҕи түмсүүбүт үтүөлээх этээччилэрэ М.Н.Викторова, С.С.Морфунов, В.И.Дьячковская ааттарынан киэн туттабыт. Оһуокай түһүлгэтигэр көмүлүөккэ аал уот оттон алгысчыт үтүөнү түстээбитин кэнниттэн, бастакы түһүлгэни Ил Дархан оһуокайга стипендиата, үтүөлээх этээччи Валентина Ивановна Дьячковская төрүттээтэ. Чурапчылар арыылаах алаадьынан, алаас отуттан чэйинэн кэлбит дьону күндүлээтилэр. Быыһа суох Оһуокай уҕараабакка барда. Ол курдук эдэр этээччи Давид Андреев, Вера Оконешникова, үтүөлээх этээччи Валерий Герасимов о.д.а эттилэр. Быйыл 99 сааһыгар үктэммит Аар Дархан этээччибит Егор Михайлович Осипов эмиэ түһүлгэни таһаарда. Аҕа саастаах кырдьаҕаспыт тымныыттан да чаҕыйбакка кэлбит.
Кытайга олорор саха оһуокайын посола Мира Ушканова Саҥа дьыллааҕы сынньалаҥар дойдутугар кэлэ сылдьан, оһуокайга анаан-минээн кэлэн түһүлгэҕэ үҥкүүлэстэ.
Дьэ ити курдук, быйылгы сыллааҕы өрөбүллээҕи алгыстаах оһуокайбыт бар дьон санаатын үтүөҕэ сахта.
Марта Николаева
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…