Чурапчы – Аллараа Бэстээх хайысханан 206 №-дээх маршрутнай оптуобус сырыыта сөргүтүлүннэ

 «Павловскай – Майа» магистральнай гаас ситимигэр өрөмүөн үлэлэрэ ыытыллалларын туһунан киирбит иһитиннэриини учуоттаан, улуустар икки ардыларынааҕы 206 №-дээх маршрутнай оптуобустар атырдьах ыйын 17 уонна 18 күннэригэр Дьокуускай куоракка былааннаммыт тэхиниичэскэй көрүүгэ ыҥырыллыбыттара. Бу туһунан СӨ Тырааныспарга министиэристибэтэ иһитиннэрэр.

Магистральнай гаас ситимигэр үлэ кыраапыга уларыйбытынан, 206 №-дээх маршрут рейса бүгүн, атырдьах ыйын 19 күнүгэр, бигэргэтиллибит кыраапыгынан сылдьыаҕа. Ону таһынан, гаас ситимигэр өрөмүөн үлэлэрэ түмүктэниилэринэн, атырдьах ыйын 23 күнүттэн маршрут урукку эрэсиимигэр киирэрэ былааннанар.