Хаартыска: Ил Дархан Айсен Николаев телеграм-ханаалыттан
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта.
Бу туһунан өрөспүүбүлүкэ Ил Дархана телеграм-ханаалыгар маннык суруйда: “Баҕа санаа харыйата” тэрээһиҥҥэ сылдьан, Чурапчы улууһун Чыаппара нэһилиэгиттэн төрүттээх 11 кылаас үөрэнээччитэ 16 саастаах Арчылаан баҕа санаатын толорбутум. Арчылаан — Саха сирин биир бастыҥ ыччата.
Кининэн оскуола, оройуон, өрөспүүбүлүкэ киэн туттар. Ол курдук, эдэр киһи волейбол, баскетбол, мини-футбол күрэхтэһиилэрин кыайыылааҕа, «Снежный барс» байыаннай-патриотическай хамсааһыннарга уонна көрдүүр эспэдиисийэлэргэ көхтөөхтүк кыттар. «Тыыннаах тыл» ааҕааччылар күрэстэригэр хаста да кыайбыт, оройуон ансаамбылыгар солистыыр. Былырыын айар куттаах эдэр киһи хоһоон уонна ырыа суруйан саҕалаабыт. Кини ыра санаата электрическэй гитара этэ. Арчылаан баҕа санаата туоларыгар көмөлөспүппүттэн үөрэбин. Бу маннык кэскилгэ дьулуһуулаах ыччаттарбыт сүҥкэн ситиһиилэригэр, бу гитара талааннаах эдэр киһи айар үлэтигэр саҥа суолу тэлэригэр эрэллээхпин».
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…