Чурапчы дьокутааттара суолталаах боппуруостары ырыттылар

Бэйэни салайыныы сэбиэтин мунньаҕар  бэбиэскэҕэ киирбит үс сүрүн боппуруоһу көрдүлэр.

Сааскы халаан уутун этэҥҥэ аһарыы уонна тыа баһаара турар кутталлаах кэмигэр бэлэмнэнии туһунан ЕДДС исписэлииһэ Эдуард Можаров тустаах иһитиннэриини оҥордо. Ыам ыйын бырааһынньыктааҕы өрөбүллэригэр улууска дьуһуурустуба олохтонуоҕа. Баһылык Степан Саргыдаев өссө төгүл бэлэмнээх буолууну бэрэбиэркэлииргэ, дьоҥҥо сэрэтэр үлэни күүскэ ыытарга ыйда. Улуус баһылыгын социальнай боппуруостарга солбуйааччыта Мария Кронникова «Ыал саргыта» бырайыак бастакы сылын түмүктэрин уонна быйылгы былааны билиһиннэрдэ. Нэһилиэк баһылыктарыгар ыччат исписэлииһин штатын көрөллөрүгэр, ыытыллар тэрээһиннэргэ көхтөөх кыттыыны ылалларыгар этилиннэ. ГТАС салайааччыта Анастасия Афанасьева уонна Дьиэ кэргэҥҥэ элбэх өҥөнү оҥорор киин салайааччыта Мария Саввина үлэ түмүктэрин кэпсээтилэр. Мунньахха кыттыбыт нэһилиэктэр баһылыктарын кытта бу үс боппуруоһу ырыттылар, ыйытыыларыгар хоруйдаатылар, кинилэр этиилэрин иһиттилэр.