Чурапчы Хайахсытыгар бэйдиэ сылдьар ыттар кулуну туттулар

Share

Бу күннэргэ Чурапчы улууһун Хайахсыт нэһилиэгэр бэйдиэ сылдьар ыттар кулуну туппуттарын туһунан видео социальнай ситимҥэ тарҕаммыта.

Биһиги тута СӨ Бэтэринээрийэҕэ департаменыгар сибээскэ тахсан балаһыанньа хайдаҕын сурастыбыт. Миигин кытта старшай иниспиэктэр Туйаара Левина кэпсэттэ:

Чурапчы улууһун Хайахсытыгар бэйдиэ сылдьар ыттар кулуну туппуттарын туһунан сурах чахчы буолар. Бу күннэргэ  Хайахсыкка  үлэлээтибит, рейдэ оҥордубут. Ол түмүгүнэн хаһаайыннаах ыттар бэйдиэ сылдьыыларынан үс киһиэхэ боротокуол толорулунна. Быһылаан  нэһилиэктэн тэйиччи сылгы баазатыгар буолбут. Кулун эрэйдээҕи бэйдиэ сылдьар ыттар туппуттар. Хаһаайын ханнык ыттар кулуну туппут буолуохтарын сөбүн сабаҕалаан билэр. Онон, билигин ити дьыаланан нэһилиэккэ сыһыарыылаах полиция үлэһитэ ылсан дьарыктана сылдьар.  Сыл саҕаланыаҕыттан Чурапчы улууһугар ыттаах 28 хаһаайыҥҥа боротокуол толоруллубута. Ыттар бэйдиэ баран дьоҥҥо-сэргэҕэ, дьиэ кыылыгар саба түһэллэр. Хаһаайыттар эппиэтинэһи сүгэргитин умнумаҥ!

Бэлиэтээн суруйдахха, бэйдиэ сылдьар ыттар дьиэ кыылыгар саба түһүүлэрэ өрөспүүбүлүкэҕэ биллибитинэн, бу  иккис быһылаан буолар. Соторутааҕыта Үөһээ Бүлүү улууһун Кэнтик нэһилиэгэр бэйдиэ сылдьар ыттар саҥа төрөөбүт кулуну туппуттара биллибитэ. Хаһаайыттар ыттарын баайбакка дьон хаһаайыстыбатыгар улахан хоромньуну таһааралларын ситэ өйдүү иликтэр. Урукку өттүгэр сылгылаах, сүөһүлээх дьон үөр бөрөттөн куттанар буоллахтарына, билигин бэйдиэ сылдьар ыттар кутталынан суоһууллар.

Recent Posts

  • Сонуннар
  • Уопсастыба

Саха сириттэн — Кытай Харбинын хаар уонна муус бэстибээлин дьүүллүүр сүбэтигэр

Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…

46 минут ago
  • Сонуннар
  • Уопсастыба

Ил Түмэн дьокутаата Гаврил Алексеев быыбардааччыларын кытта өрүү бииргэ

Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…

1 час ago
  • Интэриэһинэй
  • Сонуннар

Саҥа дьыл аккырыыккалара

Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…

2 часа ago
  • Интэриэһинэй
  • Сонуннар

Саҥа дьыл билгэлэрэ

Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…

3 часа ago
  • Култуура
  • Сонуннар

Егор Неймохов. «Олох үйэлээх хапсыһыы»

Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы  өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…

3 часа ago
  • Сонуннар
  • Сүрүн

Саҥа дьыл өрөбүллэригэр Дьокуускайга мэдиссиинэ тэрилтэлэрин үлэлэрин эрэсиимин туһунан

СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…

4 часа ago