Чурапчы улууһугар СӨ Култууратын, ускуустубатын, литературатын күннэрэ Саха Өрөспүүбүлүкэтин Култуураҕа уонна духуобунай сайдыыга министиэристибэтэ уонна Чурапчы улууһа бииргэ үлэлииллэрин туһунан сөбүлэһии чэрчитинэн ыытыллан, Чурапчы нэһилиэгэ төрүттэммитэ 375, норуодунай суруйааччы Василий Яковлев-Далан төрөөбүтэ 95, САССР ускуустубатын үтүөлээх диэйэтэлэ, худуоһунньук Афанасий Собакин төрөөбүтэ 95, РСФСР уонна САССР үтүөлээх артыыһа, САССР норуодунай артыыһа Виктор Саввин төрөөбүтэ 115, ССРС Суруйааччыларын сойууһун чилиэнэ, бэйиэт, тылбаасчыт Степан Саввин-Күн Дьирибинэ төрөөбүтэ 120 сылларыгар ананаллар.
Муус устар 3 күнүгэр эбиэт кэнниттэн СӨ култуураҕа миниистирэ Юрий Куприянов уонна улуус баһылыга Степан Саргыдаев нэһилиэктэр баһылыктарын, култуура тэрилтэлэрин салайааччыларын кытары көрсүһэн, инники былааннары торумнаатылар, баар итэҕэстэри туоратарга санааларын үллэһиннилэр, миниистиртэн, министиэристибэ бэрэстэбиитэллэриттэн сүбэ-соргу ыллылар.
Манна даҕатан эттэххэ, маннык тэрээһини Чурапчы дьаһалтата көҕүлээн, Министиэристибэ күннэрэ өрөспүүбүлүкэҕэ бастакынан Чурапчы улууһугар тэриллэн эрэллэрэ саха култуурата, ааттаах-суоллаах дьоно-сэргэтэ тыа сириттэн үүнэн-сайдан тахсарын кэрэһэлииллэр.
Улууска култуура эйгэтигэр 249 киһи үлэлиир. Көрсүһүүгэ кулууп дьиэлэрин өрөмүөнүн, култуура эйгэтигэр национальнай, ол иһигэр модельнай, бырайыактарга кыттыһыы, 11 бибилэтиэкэ кулууп дьиэтигэр ыаллаһан олорорун, Оҕо ускуустубатын дьиэтигэр идэлээх дьон үлэлиирэ өссө көдьүүстээх буолуоҕун, Пушкинскай картаны туһаныы уо.д.а. боппуруостары көтөхтүлэр. Улуус дьаһалтата Оҕо ускуустубатын дьиэтин өрөмүөнүн оҥорууну күүскэ туруорсар.
Андрей Саввин аатынан кыраайы үөрэтэр уонна этнография мусуойа эһиил өрөмүөннэнэригэр 19 мөлүйүөн суумалаах харчы көрүллүбүтүн туһунан этилиннэ. Итини таһынан Хайахсыт нэһилиэгэр быйыл саҥа “Эстра синема” проектор олохтонон, киинэ тыйаатыра үлэлиирэ былааннанар. Мугудай нэһилиэгин кулуубун быйыл матырыйаалынай-тиэхиниичэскэй хааччыйыыга үп-харчы тыырыллыбытын туһанан этилиннэ.
Киэһэ «Айылгы» Култуура киинигэр Күннэр саҕаланыыларынан Юрий Куприянов, Степан Саргыдаев бар дьоннорун эҕэрдэлээн туран, үрдүк наҕараадалары туттардылар.
Онтон олохтоохтор эрдэ билиэттэрин ылан долгуйа күүппүт дьоро түгэннэрэ үүннэ. Ол курдук, СӨ Үүнэр көлүөнэ тыйаатыра чурапчылар биир дойдулаахтара Василий Яковлев-Далан айымньытынан туруорбут «Дьикти саас» испэктээктэрин илдьэ кэлбиттэрэ мээнэҕэ буолбата. Көрөөччүлэр хас биирдии дьоруойга, кэпсэнэр түгэннэргэ билэр дьоннорун, очоотооҕу кэми эргитэ саныы олорбуттара саарбаҕа суох. Ол да иһин, ытыстарын тыаһын харыстаабатылар, махтал тылларын анаатылар.
Улуус баһылыга Степан Анатольевич Саргыдаев:
— Бу күннэргэ өрөспүүбүлүкэ биллэр-көстөр тыйаатырдарын улахан үлэлэрин көрөн-истэн, сайдыыга улахан хардыылар оҥоһуоллуохтарыгар саарбахтаабаппын. Бу үс күннээх кэнсиэртэртэн киирбит үп-харчы барыта анал байыаннай эпэрээссийэҕэ кытта сылдьар ыччаттарбытыгар күүс- көмө быһыытынан бэриллиэҕэ.
Ааптар уонна СӨ Култуураҕа, духуобунай сайдыыга министиэристибэтин хаартыскалара.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…