Хаартыска: Степан Саргыдаев телеграм-ханаалыттан
Бэҕэһээ, алтынньы 11 күнүгэр, Чурапчы улууһун Хатылы нэһилиэгэр гаас ситимэ киириитин үөрүүлээх түгэнэ буолла. Бэлиэ түгэнинэн CӨ Ил Дархана Айсен Николаев, «Сахатранснефтегаз» тэрилтэ генеральнай дириэктэрэ Алексей Колодезников быһа биэриинэн холбонон, Хатылы нэһилиэгин дьонун-сэргэтин эҕэрдэлээтилэр.
«Күөх төлөҥҥө холбонуу — устуоруйаҕа киирэр түгэн, олох таһыма үрдүүр бэлиэтэ. Бөдөҥ нэһилиэктэргэ, куораттарга эрэ буолбакка, кыра нэһилиэнньэлээх пууннарга гаас киирэрэ үөрдэр. Инникитин да социальнай гаастааһыҥҥа кэскиллээх былааннар тэтимнээхтик ыытыллыахтара. Ааспыт сылга «Сахатранснефтегаз» тэрилтэ көмөтүнэн 2800-тэн тахса дьиэҕэ гаас ситимэ киирдэ. Оттон бу сылга 1800 кэриҥэ дьиэҕэ киирэрэ былааннанар. Билиҥҥи көрдөрүүнэн эттэххэ, быйыл 2500 дьиэ гааска холбонуоҕа», — диэтэ Айсен Николаев.
Улуус баһылыга Степан Саргыдаев олохтоохтору гаас ситимэ кэлбитинэн эҕэрдэлээтэ, олохпут тупсарын туһугар туох баар сатабылы, кыаҕы ууран туран үлэлииргэ-хамсыырга ыҥырда, ситиһиилэри баҕарда. Гаастааһыҥҥа кылааттарын киллэрсибит үлэһиттэргэ наҕараадалары туттарда.
Үөрүүлээх күҥҥэ тэрээһин кыттыылаахтарын олохтоохтор сылаас алаадьынан, чэйинэн, күһүҥҥү кус миининэн күндүлээтилэр.
Салгыы улуустан тиийбит дэлэгээссийэ гаас аан бастакынан киирбит ыалыгар, элбэх оҕолоох Яковлевтарга ыалдьыттаата, бэлиэ түгэнинэн эҕэрдэлээтилэр, олохторун-дьаһахтарын билистилэр. Дьиэ кэргэҥҥэ бэлэхтэри туттардылар.
Бэдэрээччитинэн “Восток-капитал” тэрилтэ үлэлээтэ. Чурапчыттан Хатылыга диэри, уопсайа, 7 биэрэстэ уһуннаах ситим тардыллан, 38 ыал гааска холбонор кыахтанна. Эһиил бөһүөлэк 100% гааһынан хааччыллара былааннанар.
Дойду Бэрэсидьиэнин сорудаҕынан ылыллыбыт бырагырааманан Чурапчыга гаастааһын үлэтэ кэлэр сылларга салгыы ыытыллыаҕа.
Марфа Петрова, Саҥа олох
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…