«Чурапчы» кэпэрэтиип быыстапка-дьаарбаҥкаҕа бэлэмнэнэр

Өрөспүүбүлүкэ хаһаайыстыбалара Дьокуускайга ыытыллар үгэс буолбут быыстапка-дьаарбаҥкаҕа киирэн кыттаары бэлэмнэнэллэр.

Сарсыҥҥыттан буойунаҕа үлэ саҕаланыаҕа. Онон куорат олохтоохторо Чурапчы сибиэһэй этин атыылаһар кыахтаныахтара.

Дьаарбаҥка кэмигэр эт сыаната төһө эмиһиттэн, уҥуохтааҕыттан эҥин тутулуктаныа дииллэр.

Таарыйа аҕыннахха, «Чурапчы» ТХПК-ҕа исписэлиистэр наадалар. Ол курдук, экэнэмиис, буҕаалтыр, микробиолог курдук исписэлиистэри көрдүүллэр. Бу туһунан кэпэрэтиип каадырдары салайыыга отделын начаалынньыга Мария Лебедева иһитиннэрдэ.