“Чурапчы” кэпэрэтиип ыһыахха бэлэмнэнэр

“Чурапчы” ТХПК хайыы-үйэ ыһыахха бэлэмнэнэн эрэр. Ол курдук, Чурапчы улууһунааҕы уонна нэһилиэктэр ыһыахтара хаһан буолаллара чопчуланан, кэпэрэтиипкэ үтэһэлээх эккэ, быырпахха сайаапкалар киирэн эрэллэр.

— Билигин кэпэрэтииппит 17 нэһилиэккэ баар үүт тутар пууннара аһыллан, үлэлии тураллар. Күн аайы үүт таһар 3 массыына кэрийэн аҕалар. Үүт собуота уонна халбаһыы оҥорор сыах үлэһиттэринэн толору хааччыллыбыттара. Онон оҥорон таһаарыыга туох да харгыс тахсыа суохтаах диэн эрэнэбит, — диэтэ кэпэрэтиип каадырга отделын салайааччыта Мария Лебедева.

Ону тэҥэ кэпэрэтиип бэйэтин маҕаһыыннарыгар ынах арыыта, чөчөгөй, йогурт, быырпах уо.д.а хамаҕатык атыыланар. Онон Николай Петров бэрэссэдээтэллээх кэпэрэтиип сайыҥҥы ыйдарга күүскэ үлэлиир былааннаах.