Чурапчы маастардара Олоҥхо ыһыаҕар кытталлар

Олоҥхо ыһыаҕар маастардар түһүлгэлэрэ аһылынна. Өрөспүүбүлүкэ бары улуустарыттан норуот маастардара оҥоһуктарын көрдөрүүгэ туруордулар.

Чурапчы улууһуттан Норуот айымньытын дьиэтин иһинэн »Ай» устуудьуйа (сал. Сусанна Дьячковская) норуот маастардарын, иистэнньэҥнэрин, уустарын түмэр. СӨ култууратын туйгуна
Муосчут кыыһа Айылгы Пинигина быыстапкаҕа бэлэмнэнии туһунан кэпсээтэ:
— Чурапчы маастардара саха култууратын сайыннарыыга туох кылааты киллэрэ сылдьалларын туһунан кэрээбэккэ кэпсиибит.
Чурапчыга СӨ норуотун маастара 19, СӨ уус-уран оҥоһуктарын маастара 50-ча, Чурапчы улууһун маастара 80-ча киһи, уопсайа 200-чэ маастар баар. Чурапчыга уутуйан үөскээбит төрүт дьарыктартан, кыл, сиэл, сөрүөнү өрүү олус күүскэ сайдан турар. Ону куонкурус таһынан да буоллар, дьоҥҥо-сэргэҕэ көрдөрүүгэ аҕаллыбыт. Саамай киэн туттуубут — Надежда Атласова саха таҥаһыгар бастакы магистр буолар. Кини оҥоһуктарын эмиэ аҕаллыбыт.
Бу Олоҥхо ыһыаҕар күрэскэ сүрүн болҕомто быысапкаҕа ууруллар диэн истэн, оннук үлэлэри аҕаллыбыт. Бу Чурапчы улууһун норуотун маастара Туйаара Монастырева үлэлэрэ тураллар.
Өттүк харалаах, илии тутуурдаах барыахпыт диэн эрэнэбит, сыл аайы миэстэлэһэбит, — диэн кэпсээтэ.

Ил Дархан Айсен Николаев маастардар түһүлгэлэрин кэрийэ сылдьан, чурапчылар түһүлгэлэригэр тохтоон, кэпсэттэ, оҥоһуктары кэрэхсии көрдө.