Бүгүн Чурапчы Мэҥэ Хаҥалас кыраныыссатыгар саҥа стела аһыллыыта буолла. Ил Дархан Айсен Николаев, Федеральнай суоллар агентствотын салайааччытын солбуйааччы Игорь Костюченко, сенатор Егор Борисов кыттыыны ыллылар. Бу стеланы “Саха-сталь” тэрилтэ оҥордо.
Тэрилтэ дириэктэрэ Феодосий Федосеев этэринэн, стеланы икки ый иһигэр оҥорон бүтэрбиттэр.
— Үлэбитин икки ый иннинэ саҕалаабыппыт. Биир да өрөбүлэ суох түүннэри-күнүстэри үлэлээн бүтэрдибит. Манна барыта уонча киһи үлэлээтэ, — диэн иһитиннэрэр кини.
Стела олимпийскай мэтээл моһуоннаах оҥоһуллубут. Ити Чурапчы спорт туоната буоларын, төгүрүк алаастардааҕын көрдөрөр. Ону таһынан күн уобараһын биэрэр. Чурапчы тоҕус томтордооҕун стела тоҕус сүһүөхтэрэ кэрэһилииллэр.
— Стела бүүс-бүтүннүү тимиртэн оҥоһулунна, тоҕус сүһүөхтэн турар. Кырааскатын анал оһоххо буһаран бороһуок кыраасканан соппуппут. Ардахха, самыырга бэринимтиэтэ суох буоллун диэн. Стеланы эргиччи икки өттүнэн уоттар сырдатыахтара. Билигин таһырдьа тымныйбытынан сибээстээн, уотун тардыытын тохтоттубут, саас сылыйдаҕына тахсан өссө уотун-күөһүн ситэрэн-хоторон биэриэхпит, — диэн этэр Феодосий Михайлович.
Санатан эттэххэ, “Саха-сталь” тэрилтэ 2014 сылтан үлэлиир. Дьокуускайга ыһыахтыыр сиргэ, Орто Халымаҕа, Өймөкөөҥҥө, Тааттаҕа, о.д.а. улуустарга үгүс бырайыактарын олоххо киллэрэн турар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…