Чурапчы нэһилиэгин дьаһалтата ыкка ытыртарбыт оҕолорго харчы төлүөҕэ

Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ.

Бэйдиэ сылдьар ыттары көрүүгэ-истиигэ эппиэтинэһэ суох быһыы-майгы тахсыбытынан, ол түмүгэр 12, 10, 8, 7 саастаах оҕолор эмсэҕэлээһиннэринэн оройуон борокуратуурата бэрэбиэркэ ыыппыт.

Сокуоннай саастарын  ситэ илик оҕолор бырааптарын көмүскэһэр соруктаах уонна нэһилиэк дьаһалтата оҕолорго моральнай хоромньуну төлүүрүн туһугар суукка ирдэбил түһэрбит.

Суут  оҕолорго уопсайа 100 тыһ.солк. моральнай хоромньуну Чурапчы нэһилиэгин дьаһалтатыттан төлөтөр туһунан уураахтаабыт диэн өрөспүүбүлүкэ борокуратууратын пресс-сулууспата иһитиннэрдэ.