Чурапчы олохтооҕо бөртөлүөт көппүт ороскуотун төлөөтө

Дьокуускайдааҕы тырааныспар борокуруора олохтоох киһиттэн 900 тыһ.солк. ирдээбит. Бу киһи дьайыыларыттан киһи эчэйэн, бөртөлүөт көппүт. Бу туһунан Илин Сибиирдээҕи тырааныспар борокуратуурата иһитиннэрэр.

Тырааныспар борокуратуурата Саахал мэдиссиинэтэ өрөспүүбүлүкэтээҕи кииҥҥэ «Доруобуйа харыстабыла» национальнай бырайыак олоххо киириитин тула бэрэбиэркэ ыыппыт.

Быһаарыллыбытынан, 2024 сылга эр киһи саанан ытыллыбыт. Эмсэҕэлээччигэ үрдүкү мэдиссиинискэй көмөнү оҥороору, Чурапчыттан Дьокуускайга диэри бөртөлүөтүнэн аҕалбыттар.

Онон сибээстээн буруйдаах киһи ороскуоту уйунарыгар тырааныспар борокуруора суукка ирдэбили ыыппыт.

Чурапчы оройуоннааҕы суута борокуруор ирдэбилин өйөөн, өрөспүүбүлүкэ бүддьүөтүгэр 900 тыһ.солк. кээмэйдээх хоромньу төлөммүт.