Чурапчы Сылаҥар энтузиаст-тириэньэр оҕолору баҕа өттүнэн дьарыктыыр

Чурапчы Сылаҥар энтузиаст-тириэньэр оҕолору баҕа өттүнэн дьарыктыыр

20.10.2022, 21:28
Бөлөххө киир:

Чурапчы улууһун Сылаҥ нэһилиэгэр баҕа өттүнэн ыччаты кытта үлэлиир дьон үгүс. 

Кинилэр истэригэр Сылаҥнааҕы 5-с №-дээх баһаарынай чааска суоппарынан үлэлиир Юрий Семенов баар. Энтузиаст-тириэньэр  үлэтин туһунан Георгий Башарин аатынан Сылаҥ орто оскуолатын 11 «б» кылааһын үөрэнэччитэ Яна Трофимова бу курдук кэпсиир:

Энтузиаст-тириэньэр мас-рестлинг курдук  успуорт ыарахан көрүҥэр сөбүлээн дьарыктанан, маастарга хандьыдаат буолбут. Кини дьарыктанарын көрө сылдьар нэһилиэк оҕолоро былырыын сэтинньиттэн киниэхэ  дьарыктаныахтарын баҕаралларын биллэрбиттэр. Юрий Николаевич аттыгар сылдьар уолаттар көрдөһүүлэрин ылынан, нэдиэлэҕэ үстэ көрсөн, бэйэтин уопутун  атастаһар, сүбэ-ама биэрэр, оҕолору кытта тэҥҥэ дьарыктанар буолбута. Күн бүгүҥҥэ диэри оҕолор биир да дьарыгы көтүппэккэ сылдьаллар. Билигин Юрий Николаевичка 18 оҕо дьарыктанар.

Быйыл саас Чурапчы улууһугар ыытыллыбыт сүүмэрдиир күрэскэ профессор Георгий  Башарин аатынан Сылаҥ орто оскуолатын үөрэнээччитэ  Алексей Артамонов улуус чиэһин көмүскүүр путевка ылбыта. Онтон өрөспүүбүлүкэ сүүмэрдиир күрэҕэр 2-с миэстэни ылары ситиһэн, Чувашия өрөспүүбүлүкэтигэр  Чебоксары куоракка Саха сирин чиэһин көмүскээбитэ. Алеша соторутааҕыта  Арассыыйа бастыҥ мадьыныларын кытта киирсэн, 3-с бириистээх миэстэ хаһаайына буолла.

Бу курдук аҥаардас бэйэтин баҕатынан, үтүө санаатынан сирдэтэн оскуолабыт оҕолорун дьарыктыыр энтузиаст-тириэньэрбитигэр махтанан туран, кини иитиллээччилэрэ өссө да бириистээх миэстэҕэ тиксэн, төрөөбүт Сылаҥнарын дорҕоонноохтук ааттата туралларыгар баҕарабыт.

… Билигин ыччаты Ийэ дойдуга бэриниилээх буолууга иитии кэм ирдэбилинэн буолла. Маныаха Сылаҥ нэһилиэгин  олохтооҕо, икки оҕолоох, чөл олохтоох аҕа Юрий Семенов оскуола оҕолорун успуорт биир сүрүн көрүҥэр сыһыаран эрчийэ сылдьара — бастыҥ холобур.

Лента
Салгыы
29 января
  • -45°C
  • Ощущается: -45°Влажность: 57% Скорость ветра: 0 м/с

Сообщить об опечатке

Текст, который будет отправлен нашим редакторам: