Хаартыска: «Саҥа олох» хаһыат
Чурапчы улууһун Сылаҥ нэһилиэгин Түөйэ учаастагын 1950 с.т. олохтооҕун Анастасия Монастыреваны алтыс күнүн көрдүүллэр. Дьахтар сарсыарда дьиэтиттэн тахсан баран сураҕа суох сүппүт.
Бу күннэр усталарыгар аймах-билэ дьоно, ыраахтан-чугастан волонтердар, нэһилиэк, улуус дьаһалталарын, Быыһыыр сулууспа, биирдиилээн тэрилтэлэр, ЕДДС, ИДьМ үлэһиттэрэ көрдүүр үлэни ыыталлар.
От ыйын 23 күнүгэр көрдүүр үлэҕэ 40 киһи кыттыыны ылла, ол иһигэр 7 тиэхиньикэ тардылынна. Көрдүүр үлэ от ыйын 23 күнүгэр учаастак хоту өттүгэр ыытылынна.
“Чугастааҕы нэһилиэктэр (учаастактар): Кындал, Бэрэ, Сылаҥ, Кытаанах, Уһун Күөл, Арыылаах, Дьаарылла, Чурапчы нэһилиэгин олохтоохторо, оттуур сиргитигэр алаас кытыыларын, өтөхтөрү көрөргүтүгэр көрдөһөн суруйабыт. Сарсын көрдүү барарга мустуу Чурапчы улууһун дьаһалтатыгар сарсыарда 8 чаас 30 мүнүүтэҕэ буолуоҕа”, — диэн Анастасия Алексеевна аймахтара суруйаллар. Бу туһунан «Саҥа олох» хаһыат иһитиннэрэр.
Тугу эмэ бэлиэтии көрдөххүтүнэ эбэтэр биллэххитинэ 89142863994 эбэтэр 89142818808 төл. нүөмэрдэргэ эрийэн биллэрэргитин күүтэллэр. Анастасия Монастырева таҥаһа-саба бу хаартыскаҕа көстөрүн курдук, төбөтүгэр маҥан өҥнөөх былааттаах уонна хара өҥнөөх уу саппыккылаах диэбиттэр.
Сэмэн ЖЕНДРИНСКЭЙ
От ыйын 23 күнүгэр киэһэ 19.00 чааска Стамбул Чираган дыбарыаһыгар Арассыыйа уонна Украина дэлэгэссийэлэрин үһүс кэпсэтиилэрэ буолла. Кэпсэтии түмүгүнэн икки өттүттэн…
От ыйын 25 күнүгэр Чокуурдаахха Советскай уулусса 8 нүөмэрдээх дьиэтин таһыгар мустубут бөҕү-сыыһы ыраастааһыҥҥа экология…
Аны Таиланд уонна Камбоджа икки ардыларыгар иирсээн күөдьүйэн таҕыста. Таилаҥҥа сылы эргиччи Саха сириттэн элбэх…
Бу нэдиэлэҕэ учаастактааҕы быыбар хамыыһыйаларын чилиэннэригэр Биир кэлим куоластааһын күнүгэр быыбары бэлэмнээн уонна тэрийэн ыыталларыгар…
М.Е. Николаев аатынан 1№-дээх Өрөспүүбүлүкэтээҕи балыыһа – Национальнай мэдиссиинэ киинин Перинатальнай киинэ «Ийэни уонна оҕону…
Бэс ыйын 29 күнэ, 2025 сыл. Бэс ыйын 28 күнүгэр киэһэ поруомҥа киириибит кэтэһиилээх этэ.…