Чурапчы улууһугар быһыттары бөҕөргөтөллөр

Таатта улууһун Кыйы сэлиэнньэтигэр халаан уутун аһардар үлэ ыытыллан уу таһыма түһэн эрэр. Ол туһунан бүгүҥҥү брифиҥҥэ СӨ Айылҕаны туһаныы уонна ойуур хаһаайыстыбатын министиэристибэтин Уу сыһыаныгар уонна сырдатар үлэни ыытыыга департаменын салайааччыта Зинаида Васильева иһитиннэрдэ.

«Таатта үрэххэ балаһыанньа уустук. Билигин Чурапчы улууһун 1-кы Харбалатыгар быһыты бөҕөргөтөр үлэлэр ыытыллаллар. Ону таһынан, быһыт тоҕо барбатын диэн ууну түһэрэр тутуулар оҥоһоллоллор», — диэн Зинаида Васильева эттэ.

Амма өрүскэ уу таһыма сууккаҕа 60-63 см түһэ турар. Ол гынан баран,  Таатта улууһун Харбалааҕар 27 дьиэ тэлгэһэтигэр уу сытар, онтон Чымнаайыга — 25.  Ыам ыйын 28 күнүгэр бу сэлиэнньэргэ уу таһыма түһэрэ күүтүллэр.