Чурапчы улууһугар хаарбах дьиэттэн көһөрүү бырагырааматынан икки дьиэ үлэҕэ киирдэ

Бүгүн Чурапчы улууһун Чакыр нэһилиэгэр 5 уонна 3 кыбартыыралаах саҥа дьиэлэр  үлэҕэ киирдилэр.

Бэлиэ түгэҥҥэ СӨ тутууга миниистирин солбуйааччы Евгений Афанасьев үөрүүлээх быһыыга аалай кыһыл лиэнтэни быста, олохтоохтору эҕэрдэлээтэ.

Бу дьиэлэр «Хаарбах туруктаах дьиэттэн көһөрүү» бырагырааманан тутулуннулар. Тутууну «Востокстрой» ХЭТ бэс ыйыттан саҕалаан тутан, үлэҕэ киллэрдэ. Бүгүн 8 эдэр исписэлиис саҥа, сырдык дьиэҕэ киирэн, үөрүүлэрэ муҥура суох.

«Улууспутугар бүгүҥҥү туругунан, 855 кыбартыыраҕа 2182 киһи саҥа дьиэҕэ көстүлэр. 12 нэһилиэккэ 40 элбэх кыбартыыралаах дьиэ тутулунна. Бүгүн  5 уонна 3 кыбартыыралаах саҥа дьиэлэр үлэҕэ киирдилэр. Кыбартыыра ылбыт дьоҥҥо саҥа дьиэҕит өрүү сылаас, сырдык, ыраас буоллун, таптал-дьол уйаланнын диэн баҕа санаабын этэбин», — диэн эттэ Чурапчы улууһун баһылыга Степан Саргыдаев.