Чурапчы улууһугар икки эр киһи сураҕа суох сүппүт

Эр дьон балаҕан ыйын 5 күнүгэр Чурапчыттан 5 км тэйиччи сытар сиргэ тахсан барбыттар уонна кэмигэр төннүбэтэхтэр. Эр дьон сураҕа суох сүппүттэрин туһунан сайабылыанньа биирдэстэрин кэргэниттэн киирбит. Бу туһунан Саха сиринээҕи Быыһыыр сулууспата иһитиннэрэр.

Дьахтар иһитиннэрбитинэн, сүппүт дьон балаҕан ыйын 5 күнүгэр Чурапчыттан 5 км тэйиччи Маадьадьа диэн сиргэ сылгы баазатыгар күрүө туруора барбыттар. Онно суотабай сибээс суох. Сайабылыанньаны суруйбут дьахтар этэринэн, кэргэнэ урут хаһан да маннык сүппэт эбит, хаһан баҕарар кэмигэр төннөр диир. Балаҕан ыйын 7 күнүгэр кинилэри көрдүү түөрт быыһааччы, ИДьМ  үс үлэһитэ уонна олохтоохтор таҕыстылар. Көрдүүр үлэлэр салҕаналлар.