Чурапчы улууһугар мууһу эстэрээччилэр хамаандалара көттө

Ыам ыйын 13 күнүгэр Чурапчы улууһун Мырыла сэлиэнньэтин аннынан Тэйэр Хайа диэн сиргэ муус харыыта үөскээбитэ сабаҕаламмыта. Уу ыксаллаах таһыма 1452 буоллаҕына, билигин 1258 см тэҥнэспит. Тэйэр Хайа, Мындаҕаайы уонна Харбалаах ууга барар кутталлаахтар.

Ыксаллаах быһыыга-майгыга уонна муниципальнай таһымҥа управлениетын уорганнара түргэнник дьаһанарга бэлэм олороллор.

Үөһэттэн чинчийиини ыытаары бүгүн Саха Өрөспүүбүлүкэтин Нэһилиэнньэҕэ куттал суох буолуутун хааччыйыыга судаарыстыбаннай кэмитиэтин бэрэссэдээтэлин бастакы солбуйааччы Иннокентий Андросов салалтатынан мууһу дэлби тэптэрээччилэр хамаандалара «Полярные авиалинии»  авиахампаанньа бортунан көттө.

Сэлиэнньэлэргэ сүөһүнү үрдүк сиргэ үүрдүлэр, дьону быстах кэмҥэ олордор пууннар тэрилиннилэр.