Чурапчыттан анал байыаннай дьайыыга сулууспалыы сылдьар саллааттар оҕолоругар болҕомто баарын туһунан улуус Уопсастыбаннай сэбиэтин бэрэссэдээтэлэ Екатерина Семеновна Иванова кэпсээтэ:
— Ахсынньы 23 күнүгэр Чурапчы улууһугар “Айыллаан” култуура киинигэр Дьокуускай куоракка олорор биир дойдулаахтарбыт түмсүүтэ (бэрэссэдээтэл Д.Н.Поисеев) уонна «Чурапчы улууһа» МТ дьаһалтатын (хамыыһыйа бэрэссэдээтэлэ С.Ф. Федоров) өйөөһүнүнэн «Арассыыйа ийэлэрэ» (бэрэссэдээтэл Туяра Викторовна Павлова) Саха сиринээҕи эрэгийиэннээҕи уопсастыбаннай хамсааһын Чурапчытааҕы салаатын ыҥырыытын ылынан анал байыаннай дьайыыга сулууспалыы сылдьар уолаттарбыт оҕолоругар кэлэн иһэр Саҥа дьылынан 65 оҕоҕо бэлэх оҥордулар.
Улуус үрдүнэн байыаннай сулууспалаахтарга көмөлөһөргө анаан «Победа» идэн пуонда үлэлиир.
Мобилизация туһунан консультативнай көмөнү оҥорууга нэһилиэнньэ ыйытыктарын уонна этиилэрин «Чурапчы улууһа (оройуона)» муниципальнай тэриллии дьаһалтата юридическай уонна консультативнай көмөнү оҥоро олорор.
«Чурапчы улууһа (оройуона)» муниципальнай тэриллии уопсастыбаннай Сэбиэтин уонна «Чурапчы улууһа (оройуона) «муниципальнай тэриллии дьаһалтатын көҕүлээһининэн байыаннайдар дьиэ кэргэттэригэр Александр Сергеевич Артемьев-Куланы ыҥыран тыын күүһүн бөҕөргөтөргө көрсүһүү ыытылынна, алгыс сиэрэ-туома тэрилиннэ.
Чурапчы улууһун хас биирдии нэһилиэгэр, улуус баһылыга Степан Анатольевич Саргыдаев быһаарыытынан, байыаннайдарга уонна кинилэр дьиэ кэргэттэригэр нэһилиэк баһылыктара бэрэссэдээтэллээх анал көмө хамыыһыйата тэрилиннэ.
Итини таһынан, Дьокуускай куораттан тыа сиригэр, байыаннай сулууспалаахтар регистрациялыыр сирдэригэр, дьиэни- уоту, үлэ миэстэтин биэриигэ көмөлөһөр түбэлтэлэрэ бааллар.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…