Чурапчы улууһугар суһал көмөнү оҥорор саҥа көлө тиийдэ (видео)

Алтынньы 14 күнүгэр кэккэ улуустар киин балыыһаларыгар саҥа реанимобиль массыыналар туттарыллыбыттара.

Ол иһигэр биир массыына Чурапчы улууһугар айаннаабыта. Бу массыына Арассыыйа бэрэсидьиэнэ Владимир Путин доруобуйа харыстабылын бастакы сүһүөҕүн сайыннарыы туһунан ыйааҕын толоруу чэрчитинэн тиийбитин туһунан Чурапчытааҕы киин балыыһа суһал көмө сулууспатын ыстаарсай биэлсэрэ Иван Макаров кэпсиир. Кини этэринэн, бу Чурапчыга кэлбит төрдүс реанимобиль (реанимация оҥоһуллар кыахтаах, аныгы тэрилинэн хааччыллыбыт массыыналары реанимобиль диэн ааттыллар), бастакы массыына 2017 сыллаахха үлэҕэ тахсыбыт.