У.Апросимова, Ж.Стрюкова хаартыскаҕа түһэриилэрэ
Бүгүн СӨ ситэриилээх былааһын ааспыт сыллааҕы үлэтин отчуота Чурапчы улууһугар түмүктэннэ.
Бырабыыталыстыба отчуоттуур бөлөҕүн өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Дьулустаан Борисов салайда уонна түмүктүүр мунньахха дакылааты оҥорбутун «Айылгы» киинигэр сааланы толору киһи иһиттэ.
Түмүктүүр мунньахха норуот дьокутааттара Павел Пинигин, Дмитрий Поисеев кытталлар. Үөрүүлээх быһыыга-майгыга наҕараадаланнылар: Вероника Макарова, Мотрена Феофанова, Варвара Старостина, Вера Луковцева,Людмила Федорова, Василий Колесов, Дария Максимова, Николай Павлов, Леонид Макаров, Иннокентий Готовцев. Ону тэҥэ олорор дьиэни ылыыга социальнай төлөбүрү ылыы туһунан сибидиэтэлистибэни Беляевтар, Портнягиннар, Шамаевтар, Ефимовтар туттулар.
Сытыы ыстатыйаларынан биллэр Иван Пономарев тыа хаһаайыстыбатыгар , бырамыысыланнаска сыһыаннаах ыйытыыларыгар хоруйу сиһилии ылла. Экэниэмикэ миниистирэ Петр Попов баалабай эрэгийиэннээҕи бородуукта көрдөрүүтүн чопчулаан ыйытааччыга быһаарда. Тыа хаһаайыстыбатын миниистирин солбуйааччы Сахаяна Павлова улуустарга бэриллибит тыа хаһаайыстыбатын боломуочуйатын туһунан быһаарда.»Тыа хаһаайыстыбатын министиэристибэтигэр 73 киһи үлэлиир», — диэн салгыы ыйытыыга быһаарда.
Константин Кривошапкин сүөһүлээх киһиэхэ кыһыҥҥы өттүгэр хамнас төлүүр туһунан саҥа сокуон ылылларын туруоруста. Аҕам
саастаах биэнсийэлээх кырдьаҕастар дьиэлэрин арыйары наадалааҕынан аахта. Владимир Кривошапкин Чурапчы с. иһигэр күөл кытыыта сиҥнэринэн, бу боппуруоһу быһааралларыгар, хамыыһыйа тэриллэригэр көрдөстө. Ол эрээри биэрэги бөҕөргөтүүгэ үп көрүллэр эбит.
Иван Макаров Бырабыыталыстыба ааспыт сылга сөптөөх үлэни ыыппытын бэлиэтээтэ. Уонна сорох Арассыыйа сокуоннарын олохтоох эрэгийиэҥҥэ сөп түбэһэр гына туруорсар наадалааҕын ыйда. Ону тэҥэ улуус быраастарын кыһамньылаах үлэлэрин иһин махтанна.
С.А.Новгородов аатынан Чурапчы орто оскуолатын дириэктэрэ Михаил Игнатьев оскуолаҕа пристрой тутуутун туруоруста.
Кириллин Афанасий улууска элбэх тутуу барарын иһин Ил Дархан Айсен Николаевка, Бырабыыталыстыбаҕа махталын тириэртэ. Уонна Чакырга Эрилик Эристиин аатынан оскуола биэс сиринэн үөрэнэ олороллорунан, булгуччу оскуоланы тутарга туруоруста. Бу үлэҕэ норуот дьокутааттара Павел Пинигин, Дмитрий Поисеев көмөлөһүөхтэрэ диэн эрэлин эттэ.
Ити курдук Бырабыыталыстыба отчуотугар үгүс ыйытыы, туруорсуу киирдэ. Онон Чурапчы олохтоохторо олус көхтөөхтөрүн көрдөрдүлэр. Бырабыыталыстыба үлэтин сөптөөҕүнэн, үчүгэйдик сыаналаатылар.
Түмүк тылыгар Дьулустаан Борисов киирбит боппуруостарынан үлэлэһэргэ ыҥырда.
У.Апросимова, Ж.Стрюкова хаартыскаларга түһэриилэрэ
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…