Чурапчы улууһугар — Убаастабыл уонна Ытыктабыл сыла биллэрилиннэ

Чурапчы улууһун дьаһалтатын бу нэдиэлээтээҕи былаанныыр мунньаҕар Үлэ сылын чэрчитинэн Убаастабыл уонна Ытыктабыл сылынан биллэрдилэр.

Улуус дьаһалтатын пресс-сулууспата иһитиннэрбитинэн, баһылык  Степан Саргыдаев быйылгы сылга үгүс үбүлүөйдээх тэрээһиннэр буолаары туралларынан сибээстээн, биир дойдулаахтарын төрөөбүт улуустарын сайдыытын туһугар  улахан көдьүүстээх үлэни ыыталларыгар ыҥырда.

— Ордук улахан болҕомтону, убаастабыллаах сыһыаны үлэһит дьоҥҥо ууруохха. Ураты убаастабылы уонна ытыктабылы улууспут сайдыытыгар кылааттарын киллэрбит саастаах көлүөнэбитигэр  көрдөрүөххэ, — диэн бэлиэтээтэ Степан Саргыдаев.

Улуус баһылыгын социальнай боппуруостарга салайааччы Мария Кронникова Убаастабыл уонна Ытыктабыл сылыгар анаммыт сүрүн тэрээһиннэри иһитиннэрдэ.

Хаартыска: Чурапчы улууһун дьаһалтатын пресс-сулууспата