Чурапчы улууһун Харбалатыгар гаас тардыллар

Чурапчы улууһун Харбала сэлиэнньэтигэр гаас ситимин тардыы үлэтэ саҕаланна. Социальнай гаастааһын бырагырааматынан олохтоохтор дьиэлэригэр күөх төлөн киирэрэ чугаһаата диэн «Сахатранснефтегаз» генеральнай дириэктэрэ Алексей Колодезников телеграм-ханаалыгар суруйар.

Манна барыта 12 км ситим тардыллыаҕа уонна биир пуун тутуллуоҕа. Үлэлэр атырдьах ыйын бүтүүтэ түмүктэнэн, сүүстэн тахса дьиэҕэ гаас киирэрэ былааннанар.