Хаартыска: www.sakha.gov.ru
Чурапчы улууһун П.Н.Сокольников аатынан киин балыыһата КамАЗ массыынаҕа мэдиссиинэ тэрилин тиэнэ сылдьан көхтөөхтүк үлэни ыытта.
Ол курдук, дьону эмтиир, көрөр-истэр аныгы комплексы «Доруобуйа харыстабыла» национальнай бырайыак чэрчитинэн «Доруобуйа харыстабылын бастакы сүһүөх звенотун модернизациялааһын» судаарыстыбаннай бырагырааманан бэриллибитэ. Бу комплекс 2022 сыллаахха бэриллибит.
«Комплексы ылыахпытыттан бу сыл от ыйыгар диэри уопсайа 83-тэ Чурапчы улууһун бары нэһилиэктэригэр сылдьан нэһилиэнньэҕэ мэдиссиинэ өҥөтүн оҥордубут», — диэн Чурапчы улууһун киин балыыһатын кылаабынай бырааһа Николай Сивцев иһитиннэрдэ.
Ол курдук, нэһилиэктэринэн сылдьарга терапевт, эндокринолог, УЗИ, онколог, харах бырааһа сылдьыбыттар. Уопсайа 8,5 тыһ. киһини көрбүттэр, 1,5 тыһ. анаалыс, олор истэригэр онкомаркердар оҥоһуллубуттар. Маны сэргэ, ааспыт сыл сайыныгар Чурапчы улууһун киин балыыһата көһө сылдьар «ФлюМамм» диэн рентген оҥорор тэрили туппута. Саҥа тэрил күлүүһүн кылаабынай бырааска Николай Сивцевка Ил Дархан Айсен Николаев тус бэйэтэ туттарбыта. Бу тэрилгэ уопсайа 2 тыһ.кэриҥэ флюорография чинчийиитэ, ону сэргэ 1,5 тыһ. маммография оҥоһуллубут. Онон ыарыыны эрдэттэн бохсорго сүрүн хардыылар оҥоһуллубуттар.
«Маннык көһө сылдьар комплекстар ыраах улуустарга, нэһилиэктэргэ олороочуларга саҥа хайысха быһыытынан буолар. Ыарыыны эрдэттэн сэрэтэргэ, мэдиссиинэ көмөтүн кэмигэр оҥорорго туһуланаллар», — диэн СӨ Доруобуйа харыстабылын миниистирэ Лена Афанасьева бэлиэтээтэ.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …