СӨ Ил Дарханын уонна Бырабыыталыстыбатын пресс-сулууспата
Бэс ыйын 15 күнүгэр Чурапчы улууһун Мугудай нэһилиэгин олохтооҕо Оконешникова Анна Алексеевна 100 сааһын туолбут үбүлүөйүнэн СӨ Бырабыыталыстыбатын бэрэссэдээтэлин солбуйааччы Георгий Степанов эҕэрдэлээтэ.
Ил Дархан Айсен Сергеевич Николаев аатыттан 1 мөл.солк. төлөбүрдээх «Үйэ саас» бочуоттаах бэлиэни туттарда.
Анна Алексеевна 1925 сыллаахха бэс ыйын 15 күнүгэр Чурапчы улууһугар бааһынай дьиэ кэргэнигэр күн сирин көрбүт. Кини олоҕо — бу үлэҕэ, дьиэ кэргэҥҥэ бэринилээх буолуутун устуоруйата. Кэбээйи улууһугар көһөрүү ыарахан сылларын ааспыт. Холкуоска уонна потребительскай кээпэрэссийэ тиһигэр үлэлээбит. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Олоҕун бэйэтин дьиэ кэргэнин тэриммэккэ аймах-билэ, чугас дьонун кыһалҕатын быһаарыыга, тапталын, өйөбүлүн анаабыт. Анна Алексеевна төрөппүттэрэ эмиэ уһун үйэлээх эбиттэр: аҕата 99 сааһыгар диэри олорбут, оттон ийэтэ 98 сааһыгар диэри. Билигин кини 100 сааһыгар бэйэтин дьиэтин дьаһанан олорор, кинигэни уонна хаһыаты ааҕар, аан дойдуга буола турар быһыыны-майгыны кытта көхтөөхтүк интэриэһиргиир.
«Анна Алексеевнаҕа кытаанах доруобуйаны, чэгиэн- чэбдик доруобуйаны баҕарабын. Кини олоҕо биһиэхэ барыбытыгар үтүө холобурунан буолар. Саха сиригэр уһун үйэлээх дьон ахсаана салгыы үрдээн иһэрэ үөрдэр. Сахаларга барыларыгар уһун үйэлэниини баҕарабын, — диэн Георгий Степанов бэлиэтээтэ.
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…