Хаартыска Таатта улууһун дьаһалтатын пресс-сулууспатыттан
Ааспыт нэдиэлэ бүтүүтэ ыаллыы сытар Таатта уонна Чурапчы улуустарын көхтөөх дьоно-сэргэтэ көрсөн күрэхтэстилэр.
Бастаан Таатта уонна Чурапчы улуустарын дьаһалтатын икки ардыгар сүбэ мунньах буолан ааста. Онно быйылгы сааскы халаан уутун уонна социальнай боппуруостарга биир ситимнээхтик, сүбэлэһэн араас хайысхаҕа бииргэ үлэлиир туһунан кэпсэттилэр.
«Биир түөлбэҕэ, Таатта уутун иһэ олорор улуустар иллээхтик, кыһалҕаны бииргэ быһаарар буолуохтаахпыт!», — диэн Чурапчы улууһун баһылыга Степан Саргыдаев эттэ.
Мунньах түмүгүнэн Таатта улууһун баһылыга Айаал Бурцев уонна Чурапчы улууһун баһылыга Степан Саргыдаев бииргэ үлэлиир туһунан сөбүлэһиигэ илии баттастылар.
Ол кэннэ Оҕо уонна ыччат успуордун оскуолатыгар Таатта уонна Чурапчы хамаандаларын икки ардыларыгар доҕордоһуу көрсүһүүтүгэр, успуорт араас көрүҥэр күрэхтэстилэр. Хамаандалар сыалы ытыыга, баскетбол мээчигин быраҕыыга уонна да атын көрүҥнэргэ күрэхтэстилэр. Көрсүһүү 2:2 ахсааннаах түмүктэнэн, доҕордоһуу көрсүһүүтүгэр чахчы доҕордоһуу кыайда диэн Таатта улууһун дьаһалтатын пресс-сулууспата иһитиннэрэр.
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…