Чурапчы улууһун ыччаттара дойдуга тирээн турар уустук кэмнэргэ биир санааҕа түмсэн, анал байыаннай эпэрээссийэҕэ кытта сылдьар дьонноро кыайыы көтөллөөх төрөөбүт дойдуларыгар этэҥҥэ эргиллэн кэлэллэригэр баҕаран, кинилэр дьиэ кэргэттэригэр көмө, өйөбүл-тирэх буолалларын, волонтердар кииннэрэ үлэлиирин тустарынан улуус ыччатын боппуруоһугар исписэлиис Александра Егоровна Хомус иһитиннэрэр.
— Чурапчы улууһугар волонтерскай Киин үлэтин саҕалыыр. Дойду үрдүнэн мобилизация саҕаламмытыгар #Мывместе волонтерскай штаб сөргүтүллэн, эрдэ коронавирус кэмигэр тэриллэн күүскэ үлэлээбитэ. Биһиги мобилизацияҕа барбыт эр дьоммут дьиэ кэргэттэригэр туох көмө оҥоһулла турарын бу штаб нөҥүө сырдатабыт.
Ыччаттар тимуровскай көмөҕө үтүө баҕанан кытталларын таһынан кинилэр бу волонтерскай хамсааһыҥҥа кыттаннар, бэйэлэригэр элбэх туһаны ылар буоллулар. Саамай дьон биһириир өттө — БКЭ-ҕэ эбии бааллары биэрэр, үөрэххэ киириигэ көмөлөһөр, ону таһынан волонтерскай киниискэлээх киһи үлэҕэ да киирэригэр улахан туһалаах.
Билигин биһиги волонтерскай Киини сөргүтэн, улууспут үрдүнэн көмөлөһөөччүлэри барыларын регистрациялаан, сайаапка оҥорон, толорон, улууска “идэтийбит доброльничество” хамсааһынын таһаарарга кыһаллабыт диэн сыалланан үлэлиибит.
Бу #Мывместе диэн “Добро.ру”-га баар платформаҕа регистрацияламмыт киһи элбэх араас интэриэһинэй онлайн-куурустары да ааһыан сөп, Арассыыйатааҕы да, эрэгийиэннээҕи да бырайыактары айан, дьону ыҥырыан эбэтэр бэйэтэ кыттыан сөп.
Улууспут нэһилиэктэригэр уопсастыбаннаһы сэргэ ыччаттар уонна эр дьон түмсүүлэрэ муус ылыытыгар күрэхтэһиини тэрийэн, нэһилиэнньэ кыаммат араҥатыгар, кырдьаҕастарга уонна быйыл күһүн быстах хомуурга ыҥырыллан барбыт уолаттар дьиэ кэргэттэригэр муус тиэйэннэр, харчы хомуйаннар уо.д.а. көмө, тирэх буолаллар. Хомуур саҕаланаатын кытта улууспут дьаһалтатын баһылыга Степан Саргыдаев уонна туһааннаах тэрилтэ салайааччылара, үлэһиттэрэ быстах байыаннай хомуурга барбыт ыччаттар дьиэ кэргэннэрин, төрөппүттэрин кытта көрсөн, истиҥник кэпсэтэн, туох кыһалҕалаахпытын билсибиттэрэ итиэннэ тута тустаах көмөлөрүн оҥорбутунан барбыттара. Ити курдук улууспут дьонун кытта бииргэ ыччаттарбыт тэҥҥэ сылдьан байыаннай сулууспаҕа ыҥырыллан барбыт биир дойдулаахтарбыт дьонноругар болҕомто ууран, туох кыһалҕалаахтарын сураһан, куруук көмөлөһө, билсэ сылдьаллар.
Биһиги бука бары саллааттарбыт кыайыы көтөллөөх төрөөбүт дойдуларыгар этэҥҥэ эргиллэн кэлэллэригэр баҕарабыт!
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…