Хаартыска Чурапчы улууһун дьаһалтатын пресс-сулууспатыттан
Ааспыт бээтинсэҕэ Чурапчы улууһугар Хадаарга, Хайахсыкка, Чакырга олохтоох ыччат десана нэһилиэктэринэн сырытта.
Ыччат десаныгар Чурапчы улууһун дьаһалтатын ыччат бэлиитикэтигэр салайааччыта, Ыччат балаататын чилиэнэ, психологический киин психолога, «Движение первых», АПМРИ волонтерскай хамсааһын куратора, ЧГИФКСИ волонтерскай киинин, «Эрэл» эдэр педагогтар ассоциацияларын бэрэстэбиитэллэрэ киирдилэр диэн Чурапчы улууһун дьаһалтатын пресс-сулууспата иһитиннэрэр.
Кинилэр нэһилиэктэргэ сылдьан үлэлэрин билиһиннэрэн, бэйэлэрин кэккэлэригэр киирэргэ ыҥырдылар. Хадаарга былырыын саҥа киирбит Тыа сирин сайдыытын киинэ тэрээһиннээхтик көрүстэ. Кылгас соҕус бириэмэҕэ бырагырааманан бэйэни билиһиннэрии, ыстаансыйанан оонньуулар, бырайыагы толкуйдааһын, флешмобу устуу, оһуохай, дискотека, гитаралаах ырыа тэрилиннэ.
Ити курдук десант Саҥа дьылга диэри улуус нэһилиэктэрин барыларын хабыахтаах. Маннык сырыы сыалынан-соругунан хас биирдии нэһилиэккэ ыччат лиидэрэ баар буоларын ситиһии, эдэр ыччаты түмүү, волонтердар хамсааһыннарын сайыннарыы, улуустааҕы эдэр ыччат уопсастыбаннай түмсүүлэригэр ыччаты ыҥырыы, эдэр ыччат киинин үлэтин билиһиннэрии буолар.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…