Хаартыскаҕа А.Слепцов түһэриитэ
Чурапчы сэлиэнньэтигэр «Утум» удьуору утумнааһын дьиэтигэр «Чурапчы үйэттэн үйэҕэ» кинигэ биһирэмэ буолла.
Чурапчы нэһилиэгин үбүлүөйдээх 375 сылыгар анаммыт кинигэ 538 страницалаах, 300 экземплярдаах. «Офсет» тэрилтэ типографиятыгар бэчээттэммит.
Үөрүүлээх тэрээһини салайан ыыппыт Наталья Захарова кинигэ тутулун, ис хоһоонун сиһилии билиһиннэрдэ. Бу Чурапчы нэһилиэгин туһунан иккис кинигэ буолар. Нэһилиэк тэрилтэлэрин историяларын, үлэлэрин- хамнастарын көрдөрөр бастакы кинигэ 2012 сыллаахха тахсыбыта. Бу кинигэҕэ общественнай түмсүүлэр, түөлбэлэр үлэлэрэ, нэһилиэк киэн туттар дьоно сырдатылыннылар.
Чурапчы нэһилиэгин баһылыга Владимир Сивцев кинигэни таһаарыыга ис сүрэхтэриттэн кыһаллан, дьаныардаахтык, эппиэтинэстээхтик үлэлээбит, редактордаабыт Акулина Кузьминаҕа, хомуйан оҥорбут Варвара Макароваҕа, Анастасия Аргуноваҕа, Мария Матвееваҕа махтанна.
Кинигэ 8 түһүмэхтээх, суруйуулар элбэх хаартыскаларынан бигэргэтиллибиттэр. Биир уратытынан электроннай ньыманан ааҕыллар кыахтааҕа буолар. Манна даҕатан эттэххэ, соторутааҕыта Дьокуускай куоракка буолбут «Алаас ахтылҕана» тэрээһиҥҥэ бу кинигэни билиһиннэрбиттэрэ улахан сэҥээриини ылбыта.
Биһирэмҥэ кинигэ күн сирин көрбүтүнэн эҕэрдэлээн, биһирээн элбэх киһи тыл эттэ. Эҕэрдэ ырыалар дьиэрэйдилэр, хомоҕой хоһооннор этилиннилэр.
Алексей Слепцов,
Чурапчы.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…