Хаартыска: социальнай ситимнэртэн
Бу күннэргэ социальнай ситимнэринэн НЛО-ну (биллибэт көтөр эттиги) Чурапчыга көрбүттэрин туһунан хаартыскалар, араас иһитиннэриилэр тарҕаннылар.
Ол курдук, түүн 23.00 чаас саҕана Чурапчы уонна Чакыр нэһилиэктэр икки ардыларыгар, ону кытта Дьааҥы улууһугар биллибэт көтөр эттиги көрбүттэрин олохтоохтор хаартыскаҕа түһэрэн тарҕаттылар. Итини кытта илэ көрбүт дьон баалларын туһунан хаартыска туоһулаах иһитиннэрии эмиэ тарҕанна.
Хаартыскаҕа көстөрүнэн эбийиэк сырдык уот толбонуттан сырдаабытынан, иһиттэн сандаарар уоттааҕынан, ону кытта аныгы сайдыылаах кэмҥэ фотошоп бырагырааманан оҥоһуллубукка майгынныыр.Ол гынан баран, хаартыска чахчы туоһулаах диэтилэр. Чакыр олохтооҕо дьикти көстүүнү хаартыскаҕа түһэрэн социальнай ситимнэринэн тарҕаппыта биллибит.
Санаттахха, 2016 сыллаахха «Саха сирэ» хаһыакка “Саха сирин дьиктилэрэ” диэн өрөспүүбүлүкэҕэ билим сатаан дакаастаабатах уратылаах сирдэрэ баалларын туһунан матырыйаал тахсыбыта. Онно Саха сирин кыраныыссатыгар баар хайаҕа НЛО көтөр хараабыла саахалламмытын туһунан суруллубута үгүс киһи баччааҥҥа диэри интэриэһиргиир, сураһар. Кэлин Арассыыйа саайтара – dzen.ru, life.ru эмиэ бу туһунан суруйан турардаахтар. Сиһилии «Кистэлэҥнээх Кет-Ап» ыстатыйаҕа ааҕыҥ.
Бүгүн, Билии күнүгэр, Дьокуускай куорат Саха политехническэй лиссиэйин эбии дьиэтэ тутуллан үлэҕэ киирэр үөрүүлээх тэрээһинэ…
Манчаары (аир болотный). Былыр-былыргыттан сахаларга манчаары от эмкэ да, аска да туттуллар киэҥник биллибит үүнээйи.…
"Буойун" киин аан бастаан ыытар "Буойун суола" байыаннай-тактическай күрэхтэһиитин финалыгар Саха сирин, Волгоград уобалаһын, Хабаровскай…
Баттах түһэрин хайдах тохтотуохха сөп эбитий? Тэттик сүбэлэр, баҕар, көмөлөһүөхтэрэ. Уоһах, алоэ, мүөт Биир сымыыт…
Көмүс күһүн -- хаһыҥы, ардаҕы, хаары билгэлиир балаҕан ыйа тиийэн кэллэ. Балаҕан ыйын 3 күнэ –…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…