Хаартыска Чурапчы улууһун дьаһалтатын пресс-сулууспатыттан
Бүгүн Чурапчы нэһилиэгэр «Спортивнай» ТОС-ка 10 пусковой гаас пууна үөрүүлээх быһыыга-майгыга аһылынна.
2024 сылга саҕаламмыт «Спортивнай» ТОС ыалларын гааска холбооһун үлэтигэр Чурапчы улууһун, Чурапчы нэһилиэгин дьаһалталара, «Сахатранснефтегаз» акционернай уопсастыба тэтимнээхтик ыкса үлэлээбиттэрин түмүгэр 90 ыал күөх төлөҥҥө холбонно.
Чурапчы нэһилиэгэр 2015 сыллаахха «Молодежнай» ТОС-ка аан бастаан гаас киириэҕиттэн, салгыы «Молодежнай», «Чараҥ», «Куоҕалы», «Центральнай», «Мурун-Тыымпыйа» ТОС олохтоохторо билигин гааһынан ититиллэр сылаас дьиэлэргэ нус-хас олороллор.
«Биһиги бу «Спортивнай» түөлбэҕэ олорор элбэх оҕолоох Варвара Андреевна, Эдуард Павлович Федоровтар дьиэ кэргэннэригэр сылдьан, кинилэр алаһа дьиэлэригэр гаас киирбит үөрүүтүн тэҥҥэ үллэстэн эҕэрдэлээтибит. Оттон «Сахатранснефтегаз» тэрилтэ Чурапчытааҕы учаастага 3000-х абоненынан буолбут Спиридоновтар дьиэ кэргэннэригэр тэрилтэ аатыттан сэмэй бэлэҕи туттарда. Бу үөрүүлээх түгэҥҥэ улуус салалтата, Чурапчы улууһун Дьокутааттарын сэбиэтин бэрэссэдээтэлэ Яков Оконешниковы, Чурапчы нэһилиэгин баһылыга Владимир Сивцевы, «Сахатранснефтегаз» тэрилтэ Чурапчытааҕы салаатын салайааччыта Иван Степановы, элбэх оҕолоох Федоровтар дьиэ кэргэн аҕа баһылыга Эдуард Федоровы кытта «Спортивнай» ТОС олохтоохторугар тардыллыбыт гаас ситимин холбуур факелы уматтыбыт. Күөх төлөн түөлбэ хас биирдии ыалын дьиэтигэр тиийэн, олох сайдыытын түстүү, сылыта сыдьаайдын! Бу — тапталлаах Чурапчыбыт үүнэ, сайда, чэчирии туруутун биир туоһутунан буолла!», — диэн Чурапчы улууһун баһылыга Степан Саргыдаев үөрүүтүн үллэстэр.
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх…