Чурапчы нэһилиэгин киинигэр Олимпийскай чөмпүйүөн, СӨ Ил Түмэн дьокутаата Павел Пинигин аатынан уулусса 10 нүөмэрдээх аадырыһыгар үс мэндиэмэннээх, 25 кыбартыыралаах саҥа дьиэ дойду Аҕа баһылыга Владимир Путин көҕүлээбит национальнай бырайыагынан үлэҕэ киирдэ.
— Өрөспүүбүлүкэбит үрдүнэн бүгүҥҥү күҥҥэ хаарбах туруктаах дьиэлэртэн көһөрүү бырагырааманан 870 тыһ. кв. миэтэрэ иэннээх дьиэ тутуллан үлэҕэ киирдэ. Оттон Чурапчыбыт улууһугар бу сыллар усталарыгар 2000-тан тахса киһи дьиэлэннэ. Инникитин даҕаны Дойдубут баһылыгын салалтатынан бу бырагыраама салҕанар кыахтанна. Онон биһиги дьоммут-сэргэбит саҥаттан саҥа дьиэлэргэ киирэллэрин ситиһиэхпит.
Бэйэбит Чурапчыбыт уолаттара тутуу эйгэтигэр эрэллээхтик ылсан, улахан иэннээх дьиэлэри тутар буолбуттара биһигини үөрдэр. Ол курдук, бу дьиэни Егор Анемподистов салайааччылаах “СПБО-01” ХЭТ тутта.
Түгэнинэн туһанан СӨ Ил Дархана Айсен Николаевка, СӨ Бырабыыталыстыбатыгар, тутааччыларга, Чурапчы нэһилиэгин дьаһалтатыгар улахан махталбытын тиэрдэбит. Оттон олохтоохторго саҥа дьиэҕит сылаас, ыраас, истиҥ эйгэлээх буоларыгар баҕарабын. Чурапчы күүһэ – түмсүүгэ!, — диэн улуус баһылыга Степан Саргыдаев иһитиннэрдэ.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…