Чурапчыга 375 эр киһи субуотунньукка таҕыста

Быйыл үгүс нэһилиэнньэлээх пууннарга Пиэрибэй маайдааҕы сэлэлээн хаамыы оннугар субуотунньуктар ыытыллаллар.

Чурапчы улууһун баһылыга Степан Саргыдаев телеграмҥа иһитиннэрбитинэн, Чурапчы сэлиэнньэтэ төрүттэммитэ  375 сылынан сибээстээн, бүгүҥҥү субуотунньукка араас тэрилтэлэртэн   375 эр киһи тахсан үлэлии сылдьар. Субуотунньук  «Кэнчээри» саҥа микроойуоҥҥа ыытыллар. Манна инникитин  160 тиэргэн оҥоһуллуохтаах.