Хаартыска: СТНГ
Чурапчы улууһун киинигэр «Сахатранснефтегаз» тэрилтэ 10 пусковой комплекс ситимин тардар үлэни ыытар. Бу туһунан гаас хампаанньатын салайааччы телеграм-ханаалыгар Алексей Колодезников иһитиннэрэр.
«Бүгүҥҥү туругунан гаас ситимэ 930 миэтирэ уурулунна уонна иһэрдилиннэ. Үлэ кыраапык быһыытынан барар. Быйыл күһүн үлэ түмүктэнэрэ былааннанар», — диэн эттэ Алексей Колодезников.
Ону таһынан, хампаанньа гаас инфраструктуратын эбийиэктэрин, ол иһигэр автоматизированнай гаас ыстаансыйаларын модернизациялааһынын салҕыыр. Онуоха Тумуһахтаах уулуссаҕа саҥа ыстаансыйа тутулунна, бу гааһы тиэрдиини уонна хааччыйыыны эрэллээх оҥоруоҕа.
«Бэлиэтээн эттэххэ, 2025 сыл саҕаланыаҕыттан улууска сылга 156 дьиэ былааннаммытыттан 41-гэр гаас тардылынна. Бу бырагыраама саҕаланыаҕыттан улуус олохтоохторун 1820 дьиэтэ гаас ситимигэр холбонно. Ол аата 1820 ыал олорор усулуобуйаларын тупсардылар», — диэн Алексей Засимович тоһоҕолоото бэлиэтээтэ.
Санатан суруйдахха, бу бырагырааманы «Биир ньыгыл Арассыыйа» баартыйата 2021 сыллаахха көҕүлээбитэ уонна Арассыыйа Бэрэсидьиэнэ Владимир Путин бигэргэппитэ. Социальнай гаастааһын бырагыраамата салҕыы үлэлиир, олохтоохтор сайаапкалары киллэрэн, дьиэлэрин аттыгар тиийэ гаас турбатын босхо тардарга дуогабардаһаллар.
#СТНГ #Сахатранснефтегаз
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…