Хаартыска: Степан Саргыдаев ТГ-ханаала
Чурапчы улууһун дьаһалтата уонна улуус дьокутааттарын Сэбиэтэ байыаннай дьайыы кыттыылаахтарыгар уонна кинилэр дьиэ кэргэттэригэр, чугас дьонноругар көмө быһыытынан сир учаастактарын түҥэтэр туһунан быһаарыныы ылыммыта.
Чурапчы улууһун баһылыга Степан Саргыдаев ТГ-ханаалыгар иһитиннэриитинэн, бэс ыйын 17 күнүгэр Чурапчы нэһилиэгэр Кыттайбаҥа диэн сиргэ 141 сир учаастагын үллэриигэ бэлиэлэри туруорууну саҕалаатылар.
Бу күннэргэ улуус бас билэр баайын-дуолун салайар кэмитиэт (КУМИ) сир учаастактарын тыыран, маһынан бэлиэлэри туруортаан бүтэриэхтээх.
Улууска анал байыаннай дьайыы кыттыылаахтарыгар, кинилэр дьиэ кэргэттэригэр уонна чугас дьонноругар улуус баһылыгын анал дьаһалынан уонна волонтердар хамсааһынынан көмө, өйөбүл бу курдук салгыы оҥоһулла туруо диэн Степан Саргыдаев суруйар.
Бу бэриллэр саҥа сирдэргэ суол-иис тутуутугар, гаас, уот ситимнэрэ тардыллыыларыгар тиһиктээх үлэлэр ыытыллаллара былааннаммыт. Учаастак ылбыт ыаллар мантан ыла дьиэ туттан саҕалыахтара.
Чурапчы улууһун баайын-дуолун салайар кэмитиэт сүрүннээһининэн ыытыллыбыт үлэ түмүгэр, бу түҥэтиллиэхтээх сирдэр бары кадастровай нүөмэрдээхтэр уонна уһаайба аайы бэлиэ мастар (колышкалар) анньыллаллар. Бу күннэргэ сир ылбыт дьоҥҥо уһаайбаларын ыйан-көрдөрөн биэриэхтэрэ.
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…
Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…
"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…
2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…