Чурапчыга балыыһа комплекса тутуллар

Манна стационар уонна поликлиника былааннаналлар. Симиэнэҕэ 100-гэ тиийэ киһи сылдьыа диэн СӨ Доруобуйа харыстабылын министиэристибэтин пресс-сулууспата иһитиннэрэр.

МРТ-аппараатынан, саҥа тэрилинэн хааччыллыахтаах. Оройуоннааҕы киин балыыһа кылаабынай бырааһа Николай Сивцев үс мэндиэмэн тутуллубутун, уота-күөһэ киллэриллибитин, билигин ис өртүн оҥороллорун ыйар.

Маныаха СӨ Доруобуйа харыстабылын миниистирэ Лена Афанасьева доруобуйа харыстабылын бастакы сүһүөх звенотун саҥардыы бырагыраамата уонна  аныгы үйэ ирдэбилигэр эппиэттиир балыыһа комплексын тутуу нэһилиэнньэ доруобуйатын харыстабылыгар, чэбдигирдиигэ улахан оруоллаах. Итиэннэ мэдиссиинэ тэрилтэлэригэр табыгастаах усулуобуйаны тэрийии,  ыарыыны эрдэ быһаарыы уонна эмтээһин — дьон-сэргэ олоҕун хаачыстыбатын үрдэтиигэ тирэх буолар диэн бэлиэтиир миниистир.

Саҥа комплекс «Доруобуйа харыстабыла» национальнай бырайыак иитинэн, «Доруобуйа харыстабылын бастакы сүһүөх звенотун саҥардыы» эрэгийиэннээҕи бырагырааманан тутуллар.