Чурапчыга эр киһи массыына атыылыыбын диэн түөкүннээбит

Чурапчы улууһун олохтооҕо «Тойота Пробокс» массыынаны атыылыыр туһунан биллэрии таһаарбыт.

Кини атыылаһааччытыгар 90 тыһыынчаны эрдэ ыытарын курдук тылыгар киллэрбит. Ол кэннэ сибээстэн сүппүт. Суут буолбутугар уорбаланааччы эрдэ маннык түөкүннээһиҥҥэ түбэһэн дьыалаҕа тардылла сылдьыбыта биллибит. буруйун билиммитин уонна харчытын төннөрбүтүн  учуоттаан икки сылга усулуобунай биэрбиттэр. Эмсэҕэлээччини кытта кэпсэппит төлөпүөнүн судаарыстыба суотугар былдьаабыттар.

Бириигэбэр сокуоннай күүһүгэр киирэ илик диэн СӨ борокуратууратын пресс-сулууспата иһитиннэрэр.