Чурапчыга эр киһи уус-уран киинэлэри тарҕатан, ааптарскай быраабы кэһиигэ дьыалаҕа тардылынна

Саха сиринээҕи Силиэстийэлиир кэмитиэтин Чурапчытааҕы отдела хомуйбут дакаастабыланан, Чурапчы оройуонун 35 саастаах олохтооҕо ааптарскай быраабы кэһиигэ дьыалаҕа буруйдааҕынан ааҕылынна.

Силиэдэбэтэл уонна суут быһаарбыттарынан, 2024 сыл ыам ыйыттан балаҕан ыйыгар диэри сууттанааччы суотабай төлөпүөнү уонна көмпүүтэри туһанан сокуоннайа суох сахалыы уус-уран киинэлэри социальнай ситимнэринэн тарҕаппыт. Бу туһунан Саха сиринээҕи Силиэстийэлиир кэмитиэтин пресс-сулууспата суруйар.

Уус-уран киинэлэри СӨ уһуллубуттар уонна ааптарскай быраабынан көмүскэнэллэр. Ол курдук, буруйдаах улахан суумаҕа хоромньу таһаарбыт. Ол түмүгэр дакаастыыр баазаны хомуйууга уонна бөҕөргөтүүгэ туһуламмыт силиэстийэлиир тэрээһиннэр ыытылыннылар.

Холуобунай дьыала Чурапчы оройуонун ЭБиПК ИДьМ оперативнай сулууспата ыыппыт бэрэбиэркэтин матырыйаалларынан тэрилибит. Сууттанааччы 1 сылга болдьоххо усулуобунайдык көҥүлэ быһылынна.