Хаартыска Чурапчы улууһун дьаһалтатын пресс-сулууспатыттан
Бэҕэһээ Чурапчы улууһугар Бэтэрээннэр сэбиэттэрин көҕүлээһиннэринэн, Комсомол күнүнэн дьоро тэрээһин ыытылынна.
Мугудайтан, Одьулуунтан, Алаҕартан, Мындаҕаайыттан, Хатылыттан эдэр саастарын комсомолу кытта холбообут, ол сыллары күндүтүк саныыр комсомолецтар мустан, кэрэ кэпсээн кэккэлээтэ, ырыа тойук тардылынна, үҥкүү-битии оргуйда диэн Чурапчы улууһун дьаһалтатын пресс-сулууспата иһитиннэрэр.
Кэлбит комсомолецтары баартыйа райкомун сэкирэтээрэ Семен Никитин, улуустааҕы Бэтэрээннэр сэбиэттэрин бэрэссэдээтэлэ Мотрена Матвеева эҕэрдэлээтилэр. 1982-1986 сылларга райкомол сэкирэтээринэн үлэлээбит Николай Хоютанов эдэр саас төлөннөөх кэмнэрин ахтан-санаан тыл эттэ, кэлбит комсомолецтарын эҕэрдэлээтэ. Бу дьоро киэһэни Суруналыыстар сойуустарын чилиэнэ Наталья Захарова иилээн-саҕалаан ыытта. Хас биирдии тыл этэ тахсыбыт киһини хантан сылдьарын, тугу үлэлээбитин- хамсаабытын, билигин бочуоттаах сынньалаҥҥа олорон тугунан дьарыктанарын бэйэтин эдьиийин, убайын билиһиннэрэрдии истиҥник сырдатта. Дьэ, ити курдук бииртэн биир комсомолец урукку кэмнэрин умнуллубат түгэннэриттэн ахтан-санаан тыл этттилэр, комсомол саҕанааҕы ырыалары ыллаатыллар.
Чурапчы улууһун ытык кырдьаҕастара Василий Николаевич Дьячковскай, Спартак Григорьевич Слепцов, Мотрена Ивановна Феофанова эдэр саастарын кэмин долгуйа астына кэпсээн, кэлбит дьоҥҥо бэйэлэрин алгыстаах тылларын тиэртилэр, ыллаан-туойан, хоһоон ааҕан бу бэлиэ күн бэлэх ууннулар.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…