Ааптар хаартыскаҕа түһэриитэ.
Чурапчы улууһугар Саха Өрөспүүбүлүкэтин Култууратын, ускуустубатын уонна литературатын күннэрэ муус устар 3 күнүттэн саҕаланнылар. Үс күннээх тэрээһиннэр киэҥ хабааннаах буоланнар, хара ааныттан хас да хайысханан ыытыллаллар.
Ол курдук, саха ускуустубатын, тыйаатырын артыыстара, режиссердара үөскээбит Бахсы нэһилиэгэр Тарас Местников аатынан норуот айымньытын саҥа тутуллуохтаах дьиэтигэр тутуу саҕаламмытынан өйдөбүнньүк бэлиэтэ уурулунна. Үөрүүлээх тэрээһиҥҥэ кыттыбыт СӨ култуураҕа, духуобунай сайдыыга миниистирэ Юрий Куприянов уонча сылы быһа күүтүллүбүт дьиэ 2024 с.үлэҕэ киириэхтээхтээҕин туһунан эттэ. 1000 квадраттаах дьиэни «Стройкомплект» тэрилтэ тутуоҕа.
«Айылгы» Култуура дьиэтигэр А.А.Саввин аатынан устуоруйа уонна этнография Чурапчытааҕы мусуойун үбүлүөйдээх сыла аһылынна. Ем.Ярославскай аатынан Хотугу сир норуоттарын устуоруйатын уонна норуоттарын судаарыстыбаннай холбоһуктаах мусуойун быыстапката дьон-сэргэ болҕомтотун тардыаҕа.
Ону таһынан «Мунхалов планетата» арт-галереяҕа Чурапчы улууһуттан тахсыбыт худуоһунньуктар ыҥырыылаах ыалдьыттарынан буоллулар. Быыстапка аһыллыытынан улуус баһылыгын социальнай боппуруостарга солбуйааччы, СӨ ускуустубатын үтүөлээх диэйэтэлэ Мария Кронникова эҕэрдэлээтэ. СӨ ускуустубатын үтүөлээх диэйэтэлэ, худуоһунньук
Александра Иннокентьева-Бочкарева-Сууралдьыма, график-худуоһунньук Иннокентий Попов, ювелир-худуоһунньук Наталья Намын үлэлэрин уһуйаан оҕолоруттан саҕалаан сэргии көрдүлэр.
Дьокуускай куораттан кэлбит суруйааччылар Николай Лугинов, Сэмэн Тумат, Гаврил Андросов, Данил Макеев, Павел Федоров-Сомоҕо, Ольга Янцен, Сардаана Корякина уонна олохтоох ааптардар оскуолалар үөрэнээччилэрин кытары киһи аймах духуобунай сайдыытыгар ааҕыы уонна уус-уран литература оруолун туһунан сэргэх кэпсэтиини таһаардылар.
Ону сэргэ А.П.Гоголев аатынан Оҕо ускуустубатын оскуолатыгар үөрэнэр оҕолорго классическай үҥкүүгэ маастар-клааһы Н.Посельская аатынан балет оскуолатын преподавателлара ыыттылар. Салгыы араас былаһааккаларга сэминээрдэр ыытылла тураллар.
Ааптар уонна Семен Жендринскэй хаартыскалара.
Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Erid: 2SDnjdhGTzX ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүҥ туһунан…