Чурапчыга куораттан кууруссалар тиксэрилиннилэр

Ыам ыйын 29 күнүгэр Чурапчыга Дьокуускайдааҕы көтөрү иитэр фабрикатыттан нэһилиэнньэҕэ анаан кууруссалары тиксэрдилэр. Кэлбит кууруссалар Чурапчы нэһилиэгин “Молодежнай”, “Маарыкчаан”, “Куоҕалы” ТОС олохтоохторугар түҥэттилэр.

Ил Дархан Айсен Николаев Анал этиитигэр дойдуга ас-үөл өттүнэн куттал суох буолуутун хааччыйыы туһугар нэһилиэнньэҕэ түргэнник ситэр салаанан хааччыйар туһунан тоһоҕолоон эппитэ. Бу дьаһал олоххо киирэн эрэрэ көстөр. Түргэнник ситэр салаа улуустар түһэрэр сайаапкаларыгар олоҕуран тиэрдиллэр. Чурапчы нэһилиэгэр уопсайа холбоон 1330 куурусса тиийиэхтээх. Биир куурусса, кэлэр ороскуотун кытары холбоон – 485 солк. тэҥнэһэр.