Кэрэ аҥаардар ортолоругар ким сымсатын, күүстээҕин, сылбырҕатын быһаарар Варвара Васильева-Күүстээх Баттаайа аатынан күөн күрэскэ тоҕус кыттааччы кииристэ. Бу туһунан «Мүрү саһарҕата» хаһыат иһитиннэрэр.
Күүстээх куолар күрэхтэһиилэригэр 18-тан үөһээ саастаахтар кытыннылар. Күөн күрэс биир сүрүн ирдэбилэ – кыттааччылар халадаай ырбаахылаах буолуохтаахтар. Барыта 5 түһүмэх биллэриллибит: бэйэни билиһиннэрии, ыйытыктарга хоруй, мас тардыһыы, куул быраҕыы, 100 м сүүрүү.
Кыттааччылар ортолоругар мас тардыһыыга маастар кыргыттар Чурапчыттан Саина Седалищева, Светлана Молукова, мас тардыһыыга фаворит кыргыттар Вероника Новгородова, Алина Ларионова, Юлия Аргунова, многоборьеҕа күүстээх Саина Егорова, сахалыы ыстаҥаҕа маастарга хандьыдааттар Диана Федорова, Евгения Адамова кытыннылар.
Күүстээх Баттаайа аатынан «Күүстээх Куо» күөн күрэскэ Чурапчыттан Саина Седалищева кыайыылаах буолла. Иккис миэстэҕэ — Евгения Адамова, үһүскэ — Алина Ларионова тигистилэр.
Бастакы түһүмэххэ – 3х3 сахалыы ыстаныыга – Баатаҕай бастыҥ спортсменката Евгения Адамова 24 м 67 см түһэн инникилээтэ. Иккис түһүмэххэ – 100 м сүүрүүгэ – 11, 35сөк. көрдөрүүлэнэн Саина Седалищева кыайда. Үһүс түһүмэххэ 30 киилэлээх куулу миэстэттэн ыраахха быраҕыыга 2 м 71 см ситиһэн эмиэ Саина Седалищева бастаан, сэниэлээҕин биллэрдэ, иккис миэстэҕэ 2 м 47 см быраҕан – Вероника Новгородова, үһүскэ 2 м 34 м көрдөрүүлээх Алина Ларионова тахсан чахчы күүстээхтэрин дакаастаатылар. Бүтэһик түһүмэххэ – мас тардыһыытыгар Саина Седалищева тэҥнээҕин булбата.
Кыайыылаах 100 000 солкуобай бирииһи тутта.
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…